Etiam mense Septembri pericula subeunt discipuli./nInter quos Carolus do Nascimento, honestus adulescens Brasiliensis, annumeratur qui die VII huius mensis defendit coram magistris dissertatiunculam traditam. In qua luculentius tractavit de notione artis musicae apud antiquos inter quos locum praecipuum obtinuerunt Pythagoras, Plato, Boethius, illustres viri doctissimi, iuxta quorum sententias ars musica tripartita est habenda, scilicet concinnitas et harmonia invenienda in cosmo, temperantia qua in corpore et anima homines moderentur virtutes, concentus vocum et sonorum qui organis proferuntur. Carolus igitur, cum baccalaureatum sit adeptus, thesauro sapientiae comparato cum apud nos tum etiam apud Academiam Vivarii Novi, pergat ad altiora.
