in conclavi a Paulo VI pontifice nuncupato, Aeschili tragoedia Persae magna vi acta est a grege histrionum quos cum Rupertus Fusco, noster magister optimus, phiilologiae subtili quidem cribro usus, apte indolem naturamque Aeschilei textus edocuisset, Paula Sarcinae suavis choriphea in scaenam duxit.
Multa ex Aeschili tragoedia aemolumento et fere animi alimoniae exhausimus, cum per personas illas Persarum nobis tragoedia speculum quemdam unde affectus varii multiplicesque animi simulatque virtutes, quae, cum ab adversa fortuna lacessitae fere expulsae deiectaeque hominis animo viderentur, nihilominus stant et brevi acriore vi exardescunt, nitide perspici possent, ante oculos nostros progessisset.
Quicumque sane Atossam sperare itemque pavescere sibique exoptare filli reditum eodem atque tempore secum quid de regno futurum esset si rex profligatus et inbellis supra thronum sedisset volutare vidit, ignorare minime potest humanae vitae stamen totum volvi intra limina quae pietas providenti ratione inter varia et mutabilia disposuit nulloque ideo modo cum inter sese sive civium et amicorum sive hostium casus differant, caritatis commune vinculum tantum doloris quasi sufflamen et levamentum nobis adstare.
(Luca Licitra scripsit)
