Die mercurii XVIII mens. Apr., e.g., discipulorum grex, qui apud Gymnasium Viterbense scholas audiunt, duce Iacopo Rubini, magistro diligentissimo, praelectioni interfuerunt Linguae Latinae quam Miranus, Praeses-Decanus noster, recitavit. Eodem die quaedam domina, c.n. Eva Jenčušová, quae apud Košicensem Studiorum Universitatem in Slovachia re publica operam dat, cum a Constantia suaviter esset suscepta, colloquia habuit cum Facultatis rectoribus qui eam certiorem fecerunt de ratione studiorum et de foederibus initis inter Facultatem nostram et alias academias.
